Céim 2 – Roghnú Roghanna |
| Posted by Admin on Jan 15 2020 |
Is é cuspóir na céime seo scrúdú a dhéanamh ar na roghanna eile atá ar fáil chun freastal ar riachtanais an tionscadail agus Rogha Roghnaithe a chinneadh.
Céim 1 Réamh-mheasúnú ar Roghanna
Leis an chéim seo, bunaíodh Limistéir Staidéir agus sainaithníodh srianta le haghaidh na dtrí Stráice uile den Tionscadal. Cuireadh na Limistéir Staidéir agus na Srianta i láthair don phobal le linn imeachtaí comhairliúcháin a cuireadh ar siúl an 6 Nollaig 2017.
Ina dhiaidh sin, forbraíodh Roghanna indéanta le haghaidh gach Stráice agus rinneadh measúnú Chéim 1 chun roghanna a ghearrliostú. Cuireadh na roghanna uile ar taispeáint le linn imeachtaí Comhairliúcháin Phoiblí a cuireadh ar siúl i Leitir Ceanainn, i Leifear agus i mBealach Féich an 17 Aibreán, an 18 Aibreán agus an 19 Aibreán 2018 faoi seach. De bharr an ardleibhéil spéise a bhí ag an phobal san ábhar, cuireadh imeachtaí breise Comhairliúcháin Phoiblí ar siúl i mBealach Féich, i Leitir Ceanainn agus i Leifear an 29 Bealtaine, an 30 Bealtaine agus an 31 Bealtaine faoi seach.
Chun sonraí a fháil faoi na roghanna féideartha agus gearrliostaithe tosaigh, féach an rannán Doiciméid/Íoslódálacha den suíomh Gréasáin.
Céim 2 Meastóireacht Tionscadail ar Roghanna
Cuireadh na roghanna gearrliostaithe faoi Mheastóireacht Tionscadail chun Conair Rogha Roghnaithe Éiritheach a shainaithint le haghaidh gach Stráice den Tionscadal. Cuireadh na Conairí Rogha Roghnaithe Éiritheacha le haghaidh gach Stráice den Tionscadal ar taispeáint le linn na n-imeachtaí Comhairliúcháin Phoiblí a cuireadh ar siúl i Leifear, i Leitir Ceanainn agus i mBealach Féich an 19 Feabhra, an 20 Feabhra agus an 21 Feabhra 2019 faoi seach.
Chun sonraí a fháil faoi na Conairí Rogha Roghnaithe Éiritheacha, féach an rannán Doiciméid/Íoslódálacha den suíomh Gréasáin.
Céim 3 Conair Rogha Roghnaithe a Roghnú
Rinneadh na Conairí Rogha Roghnaithe Éiritheacha le haghaidh gach stráice a athbhreithniú, a bheachtú agus a dheimhniú chun na Conairí Rogha Roghnaithe a chinneadh. Tá an Chonair Rogha Roghnaithe le haghaidh gach Stráice, mar aon leis an Tuarascáil Roghnúcháin Roghanna, ar fáil lena bhfeiceáil agus lena n-íoslódáil ón rannán den Doiciméid/Íoslódálacha suíomh Gréasáin.
Last changed: Jan 17 2020 at 1:38 PM
Back to Overview